VIDEO/ Prokurorja e Shkodrës mezi i mban lotët: Nuk e kam shkelur kurrë ligjin. 14 vite që bëj Tiranë-Shkodër

Prokurorja e Shkodrës ka dalë e revoltuar nga salla e gjyqit të KPK-së, ku u pezullua nga detyra me argumentin se nuk justifikoi pasurine dhe konkretisht dy apartamente. Besa Nikëhasani në një prononcim për mediat deklaroi se vendimi është krejt i padrejtë dhe se ajo nuk e ka shkelur kurrë ligjin në jetën e saj. Gati në të qarë prokuroria tha do ta apelojë vendimin dhe do të ndjekë të gjithë rrugët ligjore për tu kthyer në punë.
Më tej, u shpreh se në deklaratën e parë të pasurisë që ka plotësuar në vitin 2008 ka deklaruar vetem pagën dhe jo pasurinë që ka patur më herët pasi nuk e ka ditur si funksionon formulari i ILDKP-së. Po kështu tha se tokat në Rrilë të Lezhës janë të bashkëshortit, dhe aty është ngritur një pallat ku ka përfituar hyrje (apartament).
“Nga zoti në hënë të kërkojnë unë dal e pastër se nuk e kam shkel kurrë ligjin. Integriteti moral nuk u mor parashysh as dosjet nuk u hapën sepse unë s’kam asnjë shkelje. Këta u morën vetem me dy apartamentet e mia. Unë po të kisha bërë korrupsion si të tjerët, do isha në Tiranë sot, por kam 14 vite që bëj rrugën Tiranë Shkodër. Këta thonë ke fuoristradë po me ca të shkoj unë në Shkodër çdo ditë”, tha ndër të tjera tejet e revoltuar prokurorja Nikëhasani që prej kësaj dite nuk duhet të shkelë më në Prokurorinë e Apelit të Shkodrës deri në përfundimin e të gjithë procese të vetingut ndaj saj.
/Opinion.al