Pas Rrogozhinës, radhën e kishte Lezha. Një hetim disa mujor i Prokurorisë së Krimeve të Rënda sot kanë çuar në ekzekutimin e urdhër-arresteve për kryetarin demokrat të Bashkisë së Lezhës, Fran Frrokaj, për n/kryetarin e Bashkisë, Enver Hafizi për Kryetarin e Këshillit të Qarkut, Gjok Ndoka dhe për 5 të tjerë (emrat më poshtë). Ata akuzohen për shpërdorim detyre dhe falsifikim dokumentesh. Bëhet fjalë për tjetërsimin e pronave në bregdet. Dhe konkretisht për tokat shtetërore tek Rana e hedhun pjesë e bregdetit të Shëngjinit. Zyrtarisht prokuroria tha se janë grabitur më shumë se 30 mijë metra katrorë tokë buzë detit.
Ky është rasti i dytë brenda muajit ku një institucion i qeverisjes lokale akuzohet për tjetersimin e pronave. Me herët ka qenë në shenjestër Bashkia e Rrogozhinës, ku kryetari i PDIU, Beqir Nuredini bashke me zyrtare te tjere, dhe biznesmene jane nen hetim per te njejten akuzë: Tjetersimin e tokave në bregdet. Mbase rastëtisisht, por deri tani prokuroria ka hetuar vetem bashkite e drejtuara nga te zgjedhur e opozites: Beqir Nuredini i PDIU dhe se fundmi Fran Frrokaj i PD.
Policë të vedhur civilë dhe hetues mbërritën rreth mesditës në zyrën e Kryetarit të Bashkisë, Fran Frrokaj. Pasi e njohën me vendimin “arrest me burg” ai u shoqërua në komisariat. Pas tij edhe zyrtarë të tjerë. Përpos zyrtarëve po ndiqen penalisht edhe 17 persona të tjerë, ish-punonjës të komunes Shengjin por edhe perfitues së skemes se mashtrimit me tokat. /Opinion.al
Emrat e zyrtarëve
Fran Frrokaj kryetar i bashkisë arrest me burg
Enver Hafizi arrest me burg
Gjelina Bacaj arrest shtëpie
Ardenis Haxhiaj arrest me burg
Gjok Ndoka kryetar qarkut Lezhë, arrest me burg
Dilaver Neli arrest shtëpie
Pjeter Gjoni arrest me burg
*momenti kur Frrokaj del nga bashkia dhe hipën në makinën e policisë
