Ka nisur puna për ndërtimin e 64 km të reja të rrugës turistike Perlat-Fushë Lurë. Lajmi është bërë i ditur nga kryeministri Rama, i cili ka publikuar pamje nga projekti i kësaj rruge.
Në një status në rrjetet sociale, kreu i qeverisë shkruan se do të zbulojë një tjetër mrekulli të fshehur të Shqipërisë, siç është zona e Lurës.
“MIRËMËNGJES dhe me projektin e punës së nisur për 64 km të reja rrugë turistike, nga Perlati në Fushë Lurë e deri në Arras, e cila do të zbulojë një tjetër mrekulli të fshehur të Shqipërisë siç është zona e magjishme e Lurës, ju uroj një ditë të mbarë”, shkruan Rama./Opinion.al
