Princ Harry, ka vendosur që për herë të parë të hapë dyert e shtëpisë së tij, për një kauzë të rëndësishme.
Sot në profilin zyrtar të faqes mbretërore në Instagram është publikuar videoja e plotë e këngëtarit të njohur Ed Sheeran teksa qëndronte në shtëpinë e princit.
Princ Harry dhe këngëtari, ulen për të biseduar në njërin prej ambienteve të shtëpisë për Ditën Botërore të Shëndetit Mendor.
“Është Dita Botërore e Shëndetit Mendor. Princi Harry dhe Ed Sheeran duan të sigurohen që jo vetëm sot, por çdo ditë, të kujdeseni për veten, familjen dhe ata përreth jush.
Nuk është nevoja të vuani në heshtje. Tregojeni si ndiheni, pyesni dikë si po kalon dhe dëgjojeni përgjigjen. Kërko ndihmë kur të duhet dhe ki parasysh se në këtë jemi të gjithë bashkë.”- thuhet në videon e publikuar.
Sigurisht që kureshtja ishte e madhe lidhur me arredimin e shtëpisë së Harryt dhe Meghanit por ndryshe nga ç’e kishim pritur, shtëpia është e arreduar shumë thjeshtë dhe në të mbizotërojnë ngjyrat e ngrohta./Opinion.al
