Presidentja e Greqisë, Katerina Sakellaropoulou dhe kryeministri, Kyriakos Mitsotakis janë vaksinuar ditën e sotme, live, kundër virusit COVID-19.
Nga video e cila po qarkullon në rrjet mësohet se ata kanë marrë dozat e vaksinës pak pas orës 14:30 në spitalin Attikon.
Mitsotakis e përshkroi procedurën si “plotësisht pa dhimbje”, pasi mori dozën e parë të vaksinës. Ndërsa “uroi një fillim të mbarë për stafin mjekësor”, i cili mësohet se është në krye të listës së vaksinimit sëbashku me grupe të tjera të riskut.
Vaksinimi i Mitsotakis është vaksinimi i katërt që ndodh në Greqi, pas vaksinimit të infermieres Efstathia Kampisioulis, 88-vjeçarit Michalis Giovanidis dhe Presidentes së Republikës. Shumë lider të tjerë kanë zgjedhur të vaksinohen live në televizon për të treguar efikasitetin e vaksinës, sigurinë dhe aplikimin e saj për shtetasit e tyre.
Ndërkaq kujtojmë që ditën e sotme në Greqi ka nisur vaksinimi masiv i popullsisë kundër koronavirusit./Opinion.al
