Në të parën vizitë zytare si President i Republikës së Kosovës, në krah të homologut Bujar Nishani, Hashim Thaçi vlerëson shumë mbështetjen dhe lobimin e Shqipërisë që shteti 8 – vjeçar të shtrijë njohjen e tij në botë.
Të dy presidentët janë entuziast për ecurinë e marrëdhënieve mes 2 shteteve shqiptar, si në rrafshin politik ashtu dhe atë ekonomik, ndërsa angazhohen që të ushtrojnë ndikim tek qeveritë e vendeve të tyre për të intesifikuar atë.
Presidenti Nishani ka inkurajuar ecurinë e dialogut Prishtinë – Beograd, ndërsa sa i takon çështjes aq të debatuar të Marrëveshjes për Demarkacionit me Malin e Zi nuk preferon të komentojë qëndrimin politik të palëve në Kosovë.
Presidenti Thaçi përgjatë 2 ditëve ka parashikuar një axhendë të ngjeshur takimesh. Pas pritjes në Presidencë, ai u takua me Kryeministrin Rama.
Po ashtu, kreu i Republikës së Kosovës është takuar dhe Kryeparlamentarin Meta dhe Kryetarin e Partisë Demokratike, Lulzim Basha.
Ndërsa ka vizituar dhe shkrimtarin Dritëro Agolli në shtëpinë tij, ku i ka dorëzuar një dekoratë për kontributin e tij në Letërsinë Shqipe, si dhe për angazhimin në shërbim të kauzës së Kosovës, e cila i jepet në prag të 85 vjetorit të lindjes.
