Video/ Presidenti i Tiranës-Drejtorit të Partizanit: Ti duhesh varur me ..

Derbi Tirana – Partizani u mbyll në mënyrën më të shëmtuar të mundshme, teksa pati nja sherr nga i cili u dhunua drejtori i Partizanit Dritan Dervishi, por jo vetëm, pasi objekt i sulmit u bë edhe një tjetër punonjës i klubit të kuq që fillimisht u përplas me një tifoz të Tiranës, e më pas edhe me Devi Mukën.Të gjitha këto pamje janë transmetuar në televizionet shqiptare, ndërkohë që një tjetër video e publikuar nga Top Channel, jep momentin e goditjes së drejtorit Dervishi, por në sfond dëgjohet zëri i presidentit Halili i cili thotë: “O Tan, ti duhesh lidh i pari për qafe”, dhe pas këtij momenti Dervishi goditet duke përfunduar i gjakosur.Tashmë duhet pritur reagimi i presidentit Halili, por sigurisht nuk do mund t’i shpëtojë dot dënimit nga Komisioni Disiplinor pas atij skandali të ndodhur pas ndeshjes, ku tashmë ai e gjen edhe veten të përfshirë.