Luka Modric ka kritikuar përdorimin e teknologjisë për përcaktimin e rasteve të dyshimta në Kampionatin botëror për klube në Japoni.
Por, presidenti i FIFA-së, Gianni Infantino i është kundërpërgjigjur menjëherë atij.
“Modric do të jetë i lumtur nëse e fiton një ndeshje me vendim të tillë të teknologjisë”, theksoi Infantino.
Kundër mendimit të kroatit ka dal edhe Sergio Ramos, sipas të cilit vetëm kështu vendimet e gabuara të gjyqtarëve nuk do të vendosin ndeshjet.
“Kjo teknologji është shumë e nevojshme, sidomos për ndeshjet që janë shumë të rëndësishme dhe eviton gabimet sikurse ato që i ndodhën Spanjës në vitin 2002”.- tha Ramos.
Gjyqtari përdori teknologjinë për të akorduar penallti në ndeshjen Atletico Nacional – Kashima Antlers.
Teknologjia e konfirmoi golin e Cristiano Ronaldos ndaj Club America pasi u vërtetua se ai nuk ishte në pozitë jashtë loje.
