Një incident ka shënuar ndeshjen mes Erzenit dhe Partizanit, në momentin që nga tribuna qendrore është rrëzuar në pjesën para tunelit të dhomave të zhveshjes një tifoz. Sikurse bëhet me dije nga “Panorama Sport” është pikërisht presidenti i klubit shijakas, Durim Keçi i cili në rrethana ende të paqarta është rrëzuar duke pësuar dëmtime.
Keçi ka qenë i pranishëm në stadium për të ndjekur ndeshjen e skuadrës dhe me sa duket në mbyllje të ndeshjes është afruar pranë parmakëve të tribunes dhe është rrëzuar. Ai ka marr ndihmën e parë mjekësore nga ekipi mjekësor i skuadrave të futbollit dhe më pas është dërguar në spitalin e qytetit të Durrësit./Opinion.al
