Bota

Video/ Prej muajsh nuk dilte në publik, shfaqet gruaja e Kim Jong-un



Bëhu pjesë e Grupit Zyrtar të Opinion.al
>> KËTU <<
               Publikuar në : 14:16 - 02/02/22 |
Opi Nion

Gruaja e Kim Jong-un u shfaq në një aktivitet publik për herë të parë pas një periudhe të gjatë mungese. Ri Sol Ju iu bashkua bashkëshortit të saj për ndjekur një shfaqje arti në Teatrin e Artit Mansudae në kryeqytetin e Koresë së Veriut.

Gruaja e diktatorit të Koresë së Veriut u pa publikisht për herë të fundit më 9 shtator, në një vizitë me Kim Jong-un në Pallatin Kumsusan të Diellit, ku strehohen trupat e gjyshit dhe babait të ndjerë të Kim, në përvjetorin e themelimit të vendit.

Videoja e sapo publikuar e koncertit konfirmoi gjithashtu praninë e tezes së Kim Jong-un.  Kjo e fundit nuk ishte shfaqur në publik prej janari të vitit 2020.

Agjencia Qendrore Koreane e Lajmeve (KCNA) tha: “Kur Kim u shfaq në auditorin e teatrit me gruan e tij, Ri Sol Ju, u prit me muzikë, ndërsa publiku u ngrit në këmbë duke brohoritur.

Gjatë koncertit, artistët performuan këngë dhe vallëzime që demonstruan ‘unitetin e një mendjeje’ të popullit të Koresë së Veriut dhe përkushtimin e tyre për të ndërtuar një vend socialist ‘për t’u pasur zili nga bota’, thuhet në një raport nga KCNA./Opinion.al

Pas