Një 26-vjeçar ka rënë në prangat e policisë pasi dyshohet se autor i disa zjarrëvënieve të qëllishme në qytetin e Durrësit.
Sipas policisë pas hetimeve disa javore dhe gjithashtu provave filmike është bërë i mundur dokumentimi i të gjitha akteve ku 26-vjeçari me iniciale K.K ka kryer zjarrëvëniet.
Në orët e para të mëngjesit të sotëm 26-vjeçari ka djegur dy automjete në lagjen nr. 11, në Durrës dhe një tendë lokali në lagjen nr. 6, në Durrës. Bëhet fjalë për mjetin tip “Benz”, në pronësi të personit me iniciale A. L, mjetin tip “Benz”, në pronësi të personit me iniciale K. Sh., si dhe tendën e lokalit të personit me iniciale S. M.
Sipas policisë dyshohet se 26-vjeçari është autor edhe i disa zjarrvënieve të ndodhura përgjatë vitit 2019:
1. Më datë 07.01.2019, në orët e para të mëngjesit, dyshohet të ketë djegur motoçikletën në pronësi të shtetasit H. L.
2. Më datë 10.01.2019, gjatë natës, në lagjen nr. 8, në Durrës, dyshohet se i ka vënë flakën në parkim dhe ka pësuar dëmtime të pjesshme mjeti tip “Benz”, në pronësi të shtetasit L. Z.
3. Më datë 12.03.2019, në orët e mbrëmjes, në lagjen nr. 4, në Durrës, dyshohet t’i ketë vënë flakën dhe është djegur pjesërisht pjesa e brendshme e mjetit tip “Ford Kuga”, në pronës të shtetasit SH. B.
4. Në datë 03.04.2019, në orët e para të mëngjesit, në lagjen nr. 4, dyshohet se i ka vënë zjarrin mjetit tip “Benz”, në pronësi të shtetasit A. D.
5. Po në orët e para të mëngjesit të datës 03.04.2019, dyshohet se i ka vanë zjarrin mjetit tip “Volksëagen”, në pronësi të shtetasit H. Q.
6. Më datë 22.05.2019, në orët e para të mëngjesit, në lagjen nr. 15, në Durrës, dyshohet se i ka vënë zjarrin dhe është djegur plotësisht mjeti tip “Benz”, në pronësi të shtetasit T. Q.
7. Më datë 09.08.2019, gjatë natës, në lagjen nr. 15, dyshohet se i ka vënë zjarrin mjetin tip “ Opel”, në pronësi të shtetasit M. S.
8. Më datë 08.10.2019, në orët e para të mëngjesit, në lagjen nr. 18, Durrës, dyshohet se i ka vënë flakën mjetit tip “Renault Megana”, në pronësi të shtetases R. Gj./Opinion.al/
