Policia e Arizonës në SHBA ka hyrë me forcë në një shtëpi. Ndryshe nga aksionet e zakonshme, kësaj here detyra e tyre ishte të merrnin një bebe të pavaksinuar dhe që ishte me temperaturë të lartë.
Videoja e publikuar e cila është berë virale, tregon policët duke shkallmuar derën dhe të armatosur, të cilët futen brenda banesës.
Operacioni policor nisi pasi një doktor denoncoi prindërit e bebes në Departamentin e Sigurisë së Fëmijëve në Arizonë. Doktori dyshonte se fëmija kishte meningjit, ndaj i kishte kërkuar prindërve që ta dërgonin për analiza të mëtejshme. Por kur në ditët në vazhdim mori vesh se ata nuk e kishin bërë këtë gjë, njoftoi autoritetet.
Policia raportoi se babai i fëmijës refuzoi që t’i hapte derën efektivëve, por gjithsesi ata hynë me forcë në shtëpi./Opinion.al
