Megjithëse jemi në gjendje karantine ku masat e qarkullimit janë të kufizuara ka ende nga ata që lëvizin me armë zjarri.
Një rast i tillë ka qenë në Durrës, ku policia ka ndjekur një automjet tip Audi i cili nuk i ka ndaluar urdhrit të policisë për të ndaluar.
Sipas njoftimit të policisë, ata ishin njoftuar se një shtetas qarkullonte me armë zjarri.
Shërbimet e Policisë kanë konstatuar mjetin e dyshuar në lëvizje të sheshi “Pranvera”, në Durrës dhe i kanë bërë shenjë për ndalim. Drejtuesi i mjetit ka kundërshtuar urdhrin e dhënë dhe është larguar me shpejtësi, por pas 5 km ndjekje nga ana e Policisë është bërë e mundur që në autostradën Durrës-Tiranë, në afërsi të mbikalimit të Shkozetit, të bllokohej mjeti tip Audi që drejtohej nga shtetasi A. B., 47 vjeç, banues në Golem, Kavajë.
Pas kontrollit të ushtruar u konstatua se në sediljen e pasme ndodhej një çantë krahu brenda së cilës ndodhej një pistoletë tip “TT” dhe një krehër me 7 fishekë, të cilat u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Durrës, për veprat penale “Mosbindja ndaj urdhrit të punonjësit të policisë” dhe “Armëmbajtja pa leje”, për të cilën parashikohet dënimi me burgim deri në 7 vjet. /Opinon.al
