Policia e Tiranës ka shoqëruar në polici një nga protestuesit që iu bashkua sot protestës që u zhvillua në Unazën e Madhe.
I ndaluari është Dorian Protoduari, i cili bënte thirrje me megafon që banorët të bënin rezistencë kundër shembjes së shtëpive të tyre, pa marrë më parë dëmshpërblimin e plotë.
Ky është shoqërim është përcjellë edhe me deklratën e Partisë Demokratike.
“Policia që i shërben interesave klienteliste prangos qytetarët që protestojnë tek njësia 6. Dorian Protoduari është arrestuar nga kjo polici bandite, e cila po ju bën presion direkt qytetarëve. I bëj thirrje Policisë që ta lirojë urgjentisht ose do të ketë përgjegjësi të madhe”- shkruan ne faqen e tij ne Facebook deputeti Klevis Balliu.
Ndërkohë që në komisariatin 6, në mbështetje të protestuesit të ndaluar kanë mbërritur në mesditë deputetë të PD. Protestuesi sipas tyre u ndalua pasi mbante sot megafonin në protesten e banorëve të zonës së Unazës së Re.
