Policia ka hequr gjatë 24 orëve të fundit 50 leje drejtimi, ndërsa ka arrestuar 11 shtetas për thyerje të rregullave të qarkullimit rrugor. Përmes njoftimit zyrtar të përditshëm lidhur me kontrollet rrugore, Policia e Shtetit njofton se janë vendosur edhe 1084 gjoba, ndërsa bën thirrje për kujdes dhe ulje të shpejtësisë në rrugë.
“Mos fluturoni në rrugë për të arritur sa më parë detin, se në rastin më të mirë do arrini radarin dhe policin rrugor dhe në rastin më të keq aksidentin”, bën thirrje policia duke paraljmëruar se në çdo aks rrugor në të gjithë vendin ka patrulla të Policisë Rrugore.
“24 orët e fundit: 11 shtetas në pranga, për drejtim mjeti në gjendje të dehur apo pa leje drejtimi, 50 leje drejtimi të pezulluara për shpejtësi tej normave të lejuara dhe për drejtim mjeti nën efektin e alkoolit si dhe 1804 masa administrative për shkelje të Kodit Rrugor, që janë rrezik potencial për përfshirje në ngjarje rrugore”, njofton policia duke theksuar se janë intensifikuar kontrollet në të gjitha akset rrugore dhe qendrat e banuara, , duke përdorur dronë, radarë, kamera, aparate fotografike dhe makina të paloguara./Opinion.al
