Katër automjete të blinduara janë sekuestruar nga policia e Tiranës, në vazhdim të operacionit të koduar “Vjeshtë 2017″.
Sipas policisë makinat janë me vlerë rreth 1 milion euro. Automjetet janë të markave të shtrenjta si: 2″Audi”, dhe 2 “Benz Mercedes”, ngjyrë e zezë. Këto automjete dyshohet të jenë të trafikuara. Policia nuk jep informacione se kush janë pronarët e këtyre mjeteve luksoze të blinduara dhe ku janë gjetur ato.
Njoftimi i plotë i Policisë
Drejtoria Vendore e Policisë Tiranë në kudër të planit të masave “Vjeshtë 2017”, sekuestroi 4 mjete të blinduara :
– Automjet tip “Audi”, ngjyrë e zezë.
– Automjet tip “Benz Mercedes”, ngjyrë e zezë.
– Automjet tip “Audi”, ngjyrë e zezë.
– Automjet tip “Mercedes Benz”, ngjyrë e zezë.
Automjetet e sekuestruara sipas vlerës së tregut kapin shumën rreth 1 milon euro.
Këto automjete dyshohet të jenë të trafikuara.
Materialet proceduriale i kaluan Prokurorisë pranë Gjykatës së Shkallës së parë Tiranë për veprën penale “Trafikim i mjeteve motorrike” dhe “Pastrim produktesh të veprës penale”.
