Në mesnatë Policia e Shtetit ka zhvilluar një aksion masiv për parandalimin e aksidenteve në fundjavë.
Në të gjithë kryeqytetin forcat policore kanë qenë në terren duke ushtruar kontrolle tek qytetarët duke bërë testet e alkoolit.
“Efektivet e Polcisë Rrugore të Tiranës, në zbatim të detyrave të përcaktuara në Planin e Masave për rritjen e parametrave të sigurisë rrugore gjatë fundjavës, kanë organizuar pika kontrolli të lëvizshme në të gjitha akset rrugore hyrëse dhe dalëse të Tiranës, si dhe në akset rrugore të brendshme të qytetit.
Kontrollet kanë konsistuar në evidentimin dhe ndëshkimin e drejtuesve të mjeteve të cilët:
- drejtojnë automjetin nën efektin e akoolit apo në gjendje të dehur.
- qarkullojnë me shpejtësi tej normave të lejuara.
- nuk përdorin rripin e sigurimit.
- përdorin celularin duke drejtuar automjetin.
- shkelin semaforin.
- qarkullojnë pa kaskë mbrojtëse, apo pa kontroll teknik të mjetit, etj.
Në këtë kuadër janë evidentuar dhe arrestuar 4 drejtues mjetesh që drejtonin automjetin në gjendje të dehur dhe 1 drejtues mjeti për drejtim mjeti pa Leje Drejtimi.
Janë pezulluar 31 Leje Drejtimi për shpejtësi tej normave të lejuara dhe drejtim mjeti nën efektin e alkoolit, konkretisht:
- 12 Leje Drejtimi për shpejtësi tej normave të lejuara
- 19 Leje Drejtimi të pezulluara për alkool.
Gjithashtu janë vendosur 41 masa administrative për mos vendosje të rripit të sigurimit si dhe 19 masa për përdorim të celularit gjatë drejtimit të mjetit, 14 për mos vendosje të kaskës mbrojtëse, 8 për shkelje të semaforit, 11 për mungesë të kontrollit teknik, si dhe 15 masa të tjera të ndryshme.
Janë bllokuar 6 mjete si debitorë, 2 masa administrative për xhama të errët.
Gjatë kontrolleve në pika të ndryshme, Policia Rrugore ka evidentuar dhe ka falënderuar shumë drejtues mjetesh, të cilët nuk kishin konsumuar alkool, përdornin rripin e sigurimit dhe qarkullonin me shpejtësi brenda normave të lejura.
Policia Rrugore e Tiranës do të vijojë kontrollet e pandërprera me qëllimin e vetëm – sigurinë e jetë”, thuhet ne njoftimin e Policise.
Në disa postime të bëra në faqen e tyre në facebook ata shihen teksa ndalojnë qytetarët: “Vijon kontrollin me Dragera Policia Rrugore e Tiranës.
Pamjet flasin vetë. Argëtohuni, konsumoni dhe alkool por jo të drejtoni mjetin nën efektin e alkoolit apo në gjendje të dehur”, thuhet në Postim./Opinion.al
