Një ngjarje e rëndë ka ndodhur mbrëmjen e së shtunës gjatë një koncerti në Paris.
Këngëtari nga Haiti, emri i vërtetë i të cilit është Michael Benjamin ka rënë pa ndjenja në skenë teksa ishte duke performuar.
Mediat e huaja shkruajnë se këngëtari humbi jetën si pasojë e një arresti kardiak.
Ndërkohë, në mediat sociale po qarkullojnë video, nga momenti i rrëzimit të tij në skenë.
Sikurse shfaqet në video e mëposhtme, Benjamin po largohej drejt fundit të skenës, kur reperi është rrëzuar papritur. Menjëherë është ndalur muzika, ndërsa të pranishmit në skenë janë afruar pranë tij.
Siç raportojnë mediat e huaja, edhe pse mjekët bënë të pamundurën për ta shpëtuar, këngëtari nuk mundi të mbijetonte.
Ai ndodhej në Accor Arena me kapacitet 20,000 në Parisin lindor si i ftuar nga grupi Carimi.
Michael, djali i këngëtarit të famshëm Lionel Benjamin, lindi në kryeqytetin e Haitit Port-au-Prince në vitin 1981 dhe ishte i njohur në skenën muzikore lokale si këngëtar, shkrimtar dhe producent./Opinion.al
https://twitter.com/mildanalyst/status/1581649401520394240?ref_src=twsrc%5Etfw%7Ctwcamp%5Etweetembed%7Ctwterm%5E1581649401520394240%7Ctwgr%5Ee733cc18f03c0bceb8332844832aefb4726b3bc7%7Ctwcon%5Es1_c10&ref_url=https%3A%2F%2Fabcnews.al%2Fvideo-pamje-te-renda-po-performonte-live-ne-paris-kengetari-humb-jeten-ne-skene%2F
