Ekipi i Skëndërbeut nuk është më skuadra e viteve të lavdishme dhe këtë e tregoi edhe sot kur regjistroi humbjen e 10-të sezonale ndaj Tiranës, brenda në Korçë, ku u mund 1-2.
Por ajo që e ka bërë më të pajustifikueshme situatën, është se Skënderbeu pësoi sot humbjen e 8 në 9 ndeshjet e fundit, çka ka sjellë edhe irritimin e tifozëve.
Ata kanë akuzuar ekipin për tolerim.
Në fundin e takimit, tifozët janë kapur me kapitenin e skuadrës, Marko Radas.
Mbrojtësi ka shkuar pranë tifozëve dhe është konfliktuar me ta pasi nuk e ka pranuar kontestimin e tyre.
Një video e siguruar nga “Panorama Sport” tregon momentin kur kapiteni Radasit kapet me tifozët e Skënderbeut, ndërkohë që në sektorin e ultrasve, “Ujqërit e Dëborës” të dëshpëruar nga humbja kanë hedhur stolat në pistë.
