Shtetasit amerikanë do të kenë mundësinë nga dita e sotme të porosisin një pistoletë “Smart Glock”, e cila përdor teknologjinë e njohjes së fytyrës dhe shenjave të gishtave përpara se të bëhet vdekjeprurëse.
Arma e re 9 mm është prodhuar nga Biofire dhe do të dalë në shitje me një çmim që fillon nga 1500 dollarë.
Pistoleta smart përdor dy forma të identifikimin biometrik, një sensor optik për gjurmën e gishtit dhe një njohje 3 D me infra të kuqe, për të siguruar që vetëm pronari i vërtetë i armës të ketë mundësinë për ta aktivizuar, duke ulur në një mënyrë drastike aksidentet.
Më shumë se 13 mijë e 900 njerëz janë vrarë nga armët e zjarrit në Shtetet e Bashkuara vetëm në 4 muajt e parë të vitit 2023.
