Videoja e një vajze të re që tenton të drejtojë një avion ku dyshohet se udhëtonin 50 persona ka sjellë nisjen e një hetimi në shtetin rus.
“The Sun” shkruan se vajza, emri i së cilës mësohet të jetë Ana ka postuar në rrjete sociale një video ku shihet e pozicionuar në sediljet e pilotit teksa merr udhëzime si të drejtojë avionin. Edhe pse nuk ka asnjë kualifikim, ajo ndodhet aty sepse është e dashura e pilotit, i cili dëgjohet teksa i jep udhëzime.
Dyshohet se ngjarja ka ndodhur gjatë një fluturimi mbi Siberi më 31 Gusht 2019, por video është publikuar së fundmi në internet.
Televizioni rus 5-TV raportoi se piloti që e ka lejuar vajzën të ulet në kabinën e pilotimit quhet Kirill. S. ndërsa aeroplani i përket kompanisë ruse të fluturimeve “InAero”, e cila përmes zëdhënësit ka thënë se ka nisur verifikimin urgjente të këtij rasti./Opinion.al
