Mbi 20 nxënës të shkollës “Janaq Kilica” janë paraqitur sot në urgjencën e Spitali të Fierit.
Ata kanë shfaqur të gjithë probleme me frymëmarrjen dhe janë transportuar me ambulanca dhe me makina të rastit në urgjencë.
Sipas njoftimit të policisë dyshohet se një nxënës i kësaj shkolle ka hedhur spraj piperi në ambientet e shkollës.
Report Tv raporton se bëhet fjalë për një nxënës problematik të kësaj shkolle i cili është nga fshati “Kurjan”. Ai dyshohet se ka hedhur spraj me piper në një nga klasat e gjimnazit “Janaq Kilica” edhe një javë më parë ku u përsërit e njëjta situatë.
Mësohet se në spital ka shkuar edhe Drejtori i Policisë së Fierit i cili ka nxjerrë nga spitali mediat dhe po ashtu edhe Drejtoresha e Arsimit në Fier Yllka Beci.
Ky është një spraj në formën e gazit lotsjellës që shkakton probleme të menjëhershme, veçanërisht në lëkurë e frymëmarrje. Dyshohet që nxënësi të ketë përdorur 4 spraj të tillë. /Opinion.al
