Forcat e Ndërhyrjes së Shpejtë kanë zbritur në terren, pasi protestuesit kanë tentuar të çajnë kordonin e policisë përballë Parlamentit, duke hedhur edhe sende të forta si gurë apo shishe drejt tyre.
Policia ka përdorur disa herë gazin lotsjellës për të shpërndarë turmën, ndërsa menjëherë janë mobilizuar forcat speciale, duke sjellë edhe autobotet e ujit pranë Parlamentit për të shpërndarë turmën në rast të një tjetër mësymje.
Forcat e Ndërhyrjes së Shpejtë kanë krijuar disa kordonë të tjerë përpara godinës së Parlamentit, ndërsa të tjerë efektivë monitorojnë situatën nga tarraca e godinës.
Ndërkohë, raportohet për disa të lënduar, si nga ana e protestuesve ashtu edhe nga radhët e policisë./Opinion.al
