Një aksident rrugor është regjistruar mëngjesin e sotëm në Rrugën e Kombit në afërsi të fshatit Blinisht.
Raportohet se gjashtë automjete janë përplasur me njëra-tjetrën.
Sipas informacioneve nga vendngjarja, si pasojë e aksidentit kanë pësuar lëndime 2 persona, të cilët fatmirësisht, janë jashtë rrezikut për jetën.
Shkak i aksidentit të shumëfishtë dyshohet të jenë bërë prezenca e ngricave në rrugë.
Në vendngjarje shkuan forcat e policisë, ambulanca dhe zjarrfikësja.
Për shkak të përplasjes së mjeteve, qarkullimi në drejtim të Kukësit u bllokua për rreth 1 orë duke shkaktuar radhë të gjata kilometrike.
