Një burrë përjetoi momente dramatike teksa makina e tij, përfundoi në një gropë të madhe në mesin e një rruge të ndarë në dy pjesë, si pasojë e përmbyjeve masive në Kinën veriore.
Ai ishte brenda automjetit, duke i dhënë makinës kur papritur shfaqet një gropë e madhe në mesin e urës.
Pamjet e këtij momenti janë kapur nga një makinë tjetër e cila po ecte paralelisht me shoferin në fjalë,. Sipas dëshmitarëve, shoferi u shpëtua nga drejtues të mjeteve të tjera.
Fatmirësisht sipas mediave të huaja nuk ka pasur viktima pasi ura u shemb përgjatë autostradës Harbin-Mudanjiang në provincën Heilongjiang.
Një mision shpëtimi ishte në terren dhe një pjesë e autostradës ishte mbyllur, thanë media shtetërore.
Kina është përfshirë nga përmbytje të shkaktuara nga shirat e dendur në disa pjesë të vendit. Meterologët thanë se kryeqyteti, Pekini, regjistroi reshjet më të mëdha në të paktën 140 vjet gjatë ditëve të fundit, pasi tajfuni Doksuri goditi rajonin.
