Barcelona ka përmbysur gjithçka ndaj Paris Saint Germainit për t’u kualifikuar në çerekfinale të Ligës së Kampionëve, pasi fitoi me rezultat të përgjithshëm 6:5
Barcelonën ka bërë çmendurinë duke eliminuar Paris Saint Germainin nga Liga e Kampionëve, pasi triumfoi ndaj francezëve 6:1 në Camp Nou dhe me rezultat të përgjithshëm 6:5.
Katalanasi bën paraqitje zhgënjyese në ndeshjen e parë duke humbur 4:0 dhe mos shënuar asnjë gol mysafirë, që në Cahmpions vlen shumë.
Me katër gola disavantazh, Barcelona duhej të luftonte shumë në Camp Nou. Këtë e bën pasi me të filluar ndeshja, në minutën e tretë, Suarez shënoi golin e epërsisë duke i dhënë shpresa vendasve.
Shpresat u rritën edhe më shumë kur pak para se të përfundonte pjesa e parë Layvin Kurzaëa shënoi autogol për 2:0.
https://youtu.be/e56Q7MajR1o
Me të filluar pjesa e dytë, vendasit fituan një penallti të cilën e konkretizoi në gol Leo Messi për rezultatin 3:0, i cili ngriti në këmbë gjithë tifozët në “Camp Nou”, pasi iu duhej vetëm edhe një gol për të shkuar në vazhdime.
Por, saktësisht 12 minuta më vonë pas golit te Messit, Edinson Cavani shënoi për mysafirët, duke ia vështirësuar punët Barcelonës, që tashmë iu duheshin edhe tre gola për t’u kualifikuar në çerekfinale.
Por, kjo nuk e tronditi Barcelonën, të cilët luftuan shumë deri në fund dhe në minutat 88’, 90’ dhe 95’ arritën të shënon tre gola që përmbysën gjithçka ndaj Paris Saint Germain për t’u kualifikuar në fazën tjetër të Championsit.
Megjithatë të shumtë janë ata që mendojnë se në fitoren historike të Barcelonës ka ndikuar edhe arbitri Deniz Aytekin, me dy penalltitë. Ky është një emër i njohur për shqiptarët pasi ka arbitruar ndeshjen e kombëtares kundër Izraelit, ndeshje në të cilën ai dha një penallti dhe një karton të kuq, për të cilat është kritikuar.
