Parlamenti shqiptar është kthyer disa herë në arenë lufte. Për shumë shqiptarë betejat e forta politike të 10 viteve të fundit janë ende të freskëta, por me sa duket deputeti më i vjetër, aktualisht kryetar parlamenti, Gramoz Ruçi i ka harruar grushtet dhe fyerjet në parlament të Ndre Legisit, Tom Doshit, Armando Prengës, etj. Ai deklaroi sot se kundërvënia e opozitës (PD-LSI) për zgjedhjen e Kryprokurores nuk kishte ndodhur kurrë në 27 vitet e tij në parlament.
Më poshtë historiku i sherreve në parlament, ilustruar me pamje
Më 28 Korrik 2006: PS në opozitë dhe PD në qeveri. Deputeti Ndre Legisi përfshihet asokohe në një debat të ashpër për zgjedhjen e anëtarit të KQZ-së. Nga foltorja ai gërdhiste: “Të vijë këtu ai plehra që ka vjedhur votat tona në tavolinë. “ O do na vrisni ne o do zgjidhet sipas ligjit anëtari i KQZ-së”. Ndre legisi rrrëzon tavolinat e anëtarëve të kabinetit qeveritar. Ngrihet Ilir Meta nga salla dhe i versulet Jozefina Topallit duke hipur mbi tavolina. (Shiko pamjet e sherrit)
27 Maj 2010: PS në opozitë dhe PD në pushtet: Deputetet e Partise Socialiste Erjon Brace dhe Tom Doshi shajne dhe kercenojne deputetin e Partise Demokratike Genci Strazimiri.Brace: Të q** robt bythë q**, shkërdhatë. Doshi ngrin dorën për të qëlluar Strazimin por pengohet nga kolegët (shih videon më poshtë)
27 korrik 2010: PS në opozitë-PD në pushtet, sherr gjate votimit te buxhetit. Deputeti i PS-se, Gjovalin Kadeli ka goditur nje efektiv te sherbimit te Gardes se Republikes (shih videon e sherrit)
10 Shkurt 2011: Deputetët e PS Paulin Sterkaj dhe Armando Prenga godasin me grushte Palokën.
Shtator 2014: PS në qeveri-PD në opozitë. Deputetët e PS, Arben Ndoka dhe Pjerin Ndreu kane goditur me grushta deputetin e PD-se, Gent Strazimiri në korridoret e Kuvendit. (Shiko pamjet)
Përgatiti: Opinion.al
