Një ngjarje aspak e këndshme ka ndodhur sot në mes të pranishmëve, në Qendrën e Kulturës ”Rexhep Mitrovica” ku po zhvillohej proces zgjedhor i kësaj nëndege.
Siç vërehet nga pamjet e bëra publike nga Klan Kosova, zyrtarë të partisë Lidhjes Demokratike të Kosovës janë përfshirë në një përplasje fizike në qendrën ku po zhvillohej procesi zgjedhor.
Në lidhje me këtë ngjarje ja reaguar Kryetari i Komunës së Mitrovicës, Agim Bahtiri. Ai tha se këto përleshje nuk i shërbejnë klimës politike të Mitrovicës dhe i bëri apel strukturave të partisë për demokratizim të procesit të zgjedhjes së drejtuesve.
“Si themelues i LDK-së në vitet 89-90 në Mitrovicë, apeloj te struktura e kësaj partie që t’i zgjedhin strukturat drejtuese në mënyrë demokratike, duke e respektuar vullnetin e anëtarësisë. Përleshjet fizike nuk i kontribuojnë klimës së shkëlqyeshme politike të krijuar në Mitrovicë, pas ardhjes time si kryetar komune. Ndjejë dhimbje të shoh duke pasur probleme apo duke u shembur diçka në krijimin e së cilës kam kontribuar jashtëzakonisht shumë. LDK është parti me shumë vlera, andaj duhet të jep shembull për zgjedhje të lira dhe demokratike” ka qenë reagimi i Bahtirit në Facebook.
Për të njejtën ngjarje kanë reaguar edhe strukturat e LDK-së. Safet Kamberi, kryetari i degës së partisë në Mitrovicë ka mohuar përfshirjen në këtë ngjarje të kreut të grupit parlamentar të LDK-së Avdullah Hoti. Ndërkohë që edhe ky i fundit ka sqaruar pozicionin e tij në lidhje me ngjarjen.
“Unë nuk kam qenë prezent në ngjarjen që po raportohet si përleshje në kuvendin e një nëndege në Mitrovicë. Për të gjitha detajet, Kryesia e Degës së LDK-së në Mitrovicë do të njoftojë opinionin me një deklaratë publike” është shprehur Hoti
Ditën e sotme në komunat veriore të Kosovës, në Leposaviq, Zveçan, Zubin Potok si dhe në Mitrovicën e Veriut po mbahen zgjedhjet për kryetarët e komunave.
https://www.youtube.com/watch?time_continue=3&v=XFp0PJzMLV4
