Atletja kuqezi Luiza Gega ka garuar ditën e sotme në finale e Lojërave Olimpike të “Tokyo 2020” në garën e 3000 metrave me pengesa.
Në fund Gega u rendit në vendin e 13-të, me kohën, 9:34.10. Bëhet fjalë për një event historik për atletikën tonë, pasi për herë të parë një atlete nga Shqipëria mori pjesë në finalen e Lojërave Olimpike.
Luiza Gega arriti të siguronte një vend mes 15 atleteve më të mira të botës, falë një paraqitjeje të shkëlqyer të bërë në kualifikuese.
Gega ishte sportistja e fundit shqiptare që garoi në Olimpiadën e këtij viti. Delegacioni shqiptar u paraqit më mirë se në “Rio 2016”, që kulmoi me Briken Caljan i katërti në botë në peshënritje dhe me Luiza Gegën finaliste në 3 mijë metra me pengesa./Opinion.al
