Dhjetë persona humbën jetën dhe më shumë se 30 mbetën të lënduar pas një zjarri që ra gjatë natës në një hotel, në vendpushimin e skive Kartalkaya në provincën Bolu, në veriperëndim të Turqisë.
“Sot në orën 03.27 ka rënë zjarr në një hotel në resortin e skive Kartalkaya”, “për fat të keq numri i të vdekurve ka arritur në dhjetë dhe numri i të lënduarve në 32”, njoftoi ministri i Brendshëm turk Ali Gerlikaya, përmes X.
Zjarri ra në katin e katërt të hotelit 11-katësh dhe zjarrfikësit po punojnë ende për ta shuar atë, tha për transmetuesin shtetëror TRT guvernatori i Bolu-s, Abdulaziz Aydin.
Ai tha se ende nuk dihen shkaqet e zjarrit dhe autoritetet janë duke kryer hetimet. Gjithashtu shtoi se hotel ndodheshin 234 turistë në momentin që ka rënë zjarri.
#Türkiye’nin önemli turizm merkezlerinden Kartalkaya Kayak Merkezi’nde bir otelde çıkan yangında ilk belirlemelere göre 10 kişi hayatını kaybetti, 32 kişi yaralandı. Otelde 234 kişinin konakladığı öğrenildi. pic.twitter.com/dcg940XACp
— İhlas Haber Ajansı (@ihacomtr) January 21, 2025
