Dje u zhvilluar nata e tretë e festivalit të këngës Sanremo. Siç ju kemi njoftuar edhe më parë, në këtë edicion mes emrave të “BIG” është edhe ai i shqiptarit Ermal Meta. Këngëtari me origjinë nga qyteti i Fierit ka performuar dje një cover. Kjo performancë është zgjedhur si më e mira e natës së tretë të Sanremos.
”Amara terra mia” e Domenigo Modugno, titullohej kënga e kënduar nga Meta e cila krijoi jo pak emocione tek publiku i pranishëm në sallë. ”Amara terra mia”, shqip “Toka ime e hidhur” trajton temën e emigracionit, atdheun e largët dhe dëshirën për t’u kthyer sërish.
Ndërkohë që këngëtari shqiptar është një nga favoritët dhe për finalen e madhe të 11 shkurtit, ku është kualifikuar me këngën e tij ”E ndaluar të vdesësh”.
Më poshtë ju mund të ndiqni performancën e tij./ opinion.al
