E mbushur me surpriza dhe emocione ka qenë nata e parë e “Këngës Magjike” e transmetuar në Tv Klan.
Në këtë edicion të 19-të, Ardit Gjebrea prezantoi festivalin me vajzat simpatike Arjola Shehu dhe Nevina Shtylla, si dhe me dy aktorët e njohur të humorit Besart Kallaku dhe Erion Isai.
Në një panel juristësh të përbërë nga Juliana Pasha, Venera Lumani, Olti Curri, Ulis Krajka dhe Sardi Shehu, ata janë aty për të gjykuar 9 të rinjtë e parë nga kategoria “Artistët e Rinj”, shkruan tv klan.al
Por, ishte interpretimi i dy “artisteve” të reja që ndezën publikun dhe shkaktuan të qeshura të forta në sallë.
Të veshura me stil dhe klas, “ato” (Bes Kallaku dhe Erion Isai) të njohura si “Gocat e Instagramit”, dolën në skenë plot hijeshi për të interpretuar këngën e tyre disi të çuditshme.
Besi dhe Erioni u vlerësuan negativisht nga juria për performancën, por nuk munguan reagimet e tyre dhe batutat që shkaktuan plot të qeshura mes publikut dhe vet anëtarëve të jurisë.
