23 vjeçari Aldison Belulaj u varros sot në Zharrëz të Fierit. Vetëm familjarët dhe të njohurit morën pjesë në varrimin e vrasësit të Ariela Muratit, studentes së Drejtësisë. Ai, pasi la të vdekur në vend vajzën që e përndiqte prej vitesh, e terhoqi këmbëzën e pistoletës edhe drejt vetes. Pas një jave në reanimacion, Belulaj u nda nga jeta dje pasdite.
Ceremonia mortore u zhvillua në fshatin e tij të lindjes dhe trupi i tij tani do të prehet në të njëjtën varrezë ku prehet edhe Ariela, 21 vjece.
Djali i dajës së Aldisonit, Astrit Koroveshi, u tha gazetarëve se nuk ka asnjë arsye për të pasur hasmëri mes dy familjeve, ata mund të përfundonin në martesë.
“Nuk kemi pse trembemi, ajo ishte një lidhje për martesë, jo për tallje, nuk kemi pse trembeni, as ata s’kanë pse të marrin hak. Kjo që ndodhi nuk ishte mirë as për ata as për ne”- tha daja i Aldisonit.
