Gjyqtari Dritan Hallunaj u konfirmua sot në detyrë. Vendimi i KPK-së ka nxitur reagimin e Partisë Demokratike. Deputeti Enkelejd Alibeaj tha se çdo ditë e më shumë faktohet se vetingu kontrollohet nga Edi Rama. Sipas tij, gjyqtari Hallunaj liroi nga burgu Arben Frrokun personin e akuzuar për vrasjen e komisarit të policisë. Po kështu ai solli në vemendje deklaraten e 3 viteve me pare te Donald Lu i cili shprehej se: “Persona si Arben Frroku, që vrau një shef policie, por në mënyrë të mistershme u lejua të largohet nga vendi, ndërsa ishte në pritje të apelimit në gjykatë, janë llojet e personave që duhet të kenë frikë nga një sistem drejtësie funksional”.
“Konfirmimi në detyrë i gjyqtarit të Krimeve të Rënda Dritan Hallunaj, përgjegjës për lirimin nga burgu të mikut të Edi Ramës Arben Frroku, vrasësit të komisarit Dritan Lamaj, është këmbanë alarmi për sistemin e ri të drejtësisë dhe provë e qartë se vettingu nuk po ndëshkon gjyqtarët e prokurorët e korruptuar dhe të lidhur me krimin e organizuar. Ky rast faktoi se vetingu po konfirmon në detyrë gjyqtarë të korruptuar, të lidhur me krimin e organizuar dhe që Edi Rama do t’i përdorë në Këshillin e Lartë Gjyqësor”, u shpreh Alibeaj.
Video 1: Shpallja i pafajshem i Arben Frrokut nga gjyqtari Dritan Hallunaj me 3 prill 2015 dhe shqetesimi i ambasadorit Donald Lu me 17 nentor 2015 per lirimin e Arben Frrokut.
Video 2: Deklarata e plote e Alibeajt në seline e PD
