Një incident i ndodhi kreut të Kishës Ortodokse ruse Kirill gjatë një meshe në Novorasijsk, një qytet në brigjet e Detit të Zi. Teksa spërkaste me ujin e shenjtë besimtarët, ai rrëshqiti në dyshemenë e lagur.
Momenti u transmetua drejtpërdrejt nga televizioni publik rus, që i ndërroi pamjet menjëherë pas incidentit. Pak më vonë pasi u rikthye në meshë, Kirill tha se nuk kishte pësuar asnjë lëndim.
Sipas tij, dyshemeja e kishës është shumë e lëmuar dhe kur bie ujë mbi të, pavarësisht se është i shenjtë, nuk bën dallim në ligjet e fizikës.
