Këtë të enjte seanca parlamentare është shoqëruar me përplasje mes deputetëve të mazhorancës dhe opozitës.
Opozita ka kërkuar largimin e Ramës nga kuvendi dhe më pas ka hedhur në drejtim të tij miell, letra dhe vezë. Tonet gjatë paradites mes deputetëve kundërshtar (te PS-PD dhe LSI) kanë qenë të larta, por duket se pasditja nuk është paraqitur e tillë.
Të ftuar disa prej tyre si pjesë e panelit në emisionin ‘Opinion’ mbrëmjen e sotme duket se i kanë ulur tone dhe po diskutojnë me qetësi.
Në videon më poshtë e cila është realizuar në backstage, pak përpara se të fillonte emisioni, deputet Taulant Balla i PS, Edmond Spaho i PD dhe Endrit Brahimllari i LSI duket se po bisedojnë të qetë në oborrin e TVKlan, shoqëruar nga kryeredaktorja e ‘Opinion’ Desada Metaj dhe gazetari Armand Shkullaku.
Në videot e tjera shihet drejtuesi i emisionit Blendi Fevziu i cili jep direktivat e fundit papara se të fillonte emisioni live. /G.Z- Opinion.al
