Partia Demokratike ka reaguar sot pas publikimit të letrës së ambasadores amerikane Yuri Kim për kryetarët e partive politike kryesore, Edi Rama, Lulzim Basha dhe Monika Kryemadhi, ku nënvizonte përgjegjësinë e tyre për pastërtinë e figurës së kandidatëve të ardhshëm për deputetë.
LEXO EDHE – Yuri Kim-krerëve të partive:Mbani përgjegjësi për pastërtinë e kandidatëve
Nëpërmjet një postimi në rrjetet sociale, drejtori i fushatës në Partinë Demokratike Alfred Rushaj thotë se është Rama ai që promovoi te inkriminuarit.
“Rama frymëzoi, promovoi dhe kandidoi për deputetë dhe kryetarë bashkie njerëz të lidhur me krimin. Të përzgjedhurit e tij politik, që prej nisjes dhe deri në zgjedhjet e fundit monopartiake kanë qenë në shumicë persona me precedent penal, të larguar me turp nga ligji i dekriminalizimit dhe denoncimet e opozitës dhe medias. Rama dhe krimi janë binomi i pandarë që kanë lëshuar tentakulat në politikën shqiptare të viteve të fundit”, thuhet në reagimin e tij./ Opinion.al
Rama frymëzoi, promovoi dhe kandidoi për deputetë dhe kryetarë bashkie njerëz të lidhur me krimin. Të përzgjedhurit e tij politik, që prej nisjes dhe deri në zgjedhjet e fundit monopartiake kanë qënë në shumicë persona me precedent penal, pic.twitter.com/5WHRVFsWj5
— Alfred Rushaj (@AlfredRushaj) September 1, 2020
