Kryeministri Edi Rama me të mbyllur mbledhjen me ministrat dhe administratën, si dhe takimet me qytetarët në qytetin e Vlorës, ka preferuar të drekojë në Kaninë, në familjen e Viron Micit.
Pamjet e videos që po transmetohet në këto çaste në profilin e kryeministrit Rama në Facebook, dallohet lehtë se theksi i bisedës është përqëndruar në ekonominë dhe veçanërisht në potencialet agrikulturore të zonës.
Kryeministri theksoi se banorët, duke evidentuar edhe potencialin ekonomik të kësaj zone, me një fjalë çfarë produktesh mund të kultivohen në këtë pjesë, përmes mbështetjes së qeverisë le të marri rrugë projekti.
Ai u tregoi atyre se qeveria nuk mund të japë investime në emra të veçantë, por në projekte të përbashkëta dhe zhvilluese.
Batutat me deputetin Fate Velaj
Gjatë drekës në familjen e Viron Micit, në Kaninë të Vlorës, Rama kishte në krah deputetin Fate Velaj. Duke iu referuar akuzave të PD-së, Rama e shpotiti deputetin e ri:
“Kur them bashkohuni, nuk them bashkoni tokat, por financimin, që ju të dilni në dritë se është gjynah. Hajde gëzuar Fate, ti do e nxjerrës në dritë këtë vend. Se këta janë dhe të djathtë Fate, të dhanë votën. Fate me ca kriminelësh ke bashkëpunuar? Ky është i botës së krimint (i drejton dorën Dritan Lelit)”.
Batuta për Bashën dhe zgjedhjet
Mes batutave dhe thumbimeve, në bisedë e sipër Rama i ka njohur meritën për zgjedhjet më të qeta në histori edhe kryedemokratit Lulzim Basha. Por, sipas tij, tashmë Bashën e rrëmbeu ankthi, pasi nuk ka stofin e liderit dhe iu kthye historisë së vjetër.
“Jemi në hall të madh, se mendova se hymë në fazë të re dhe me thënë të drjtën është meritë e Lulzim Bashës që u bën zgjedhje të qeta, më të qetat që janë bërë ndonjëherë, të parët që nuk kishte rënie të konsumit, zgjedhje me më pak para nuk janë bërë kurrë, as postera, as historira, as zhurma. Mirëpo e rrëmbeu ai ankthi që rrëmben ata që nuk kanë stofin e liderit, nuk e kanë atë, se liderët nuk është kollaj, e futi në atë kompleksin që jo ti, jo ti dhe u kthye në atë histori jo krimi, jo droga, jo budallallëqe, por na vënë në pozita atje se nuk bën dot një debat normal dhe përfshihemi dhe ne dhe duket se jemi të gjithë njësoj atje dhe unë u kam thënë kolegëve që të enjten nuk kemi ca bëjmë, do respektojmë institucionin, njerëzit do zoti na e bëjnë halla atë, pastaj jashtë asaj dite nuk kemi asnjë punë, as ti shajmë as ti sulmojmë, as hic”- tha Rama.
