Pas fjalës së mbajtur në Forumin e Paqes Që u zhvillua në Parisë, kryeministri Edi Rama së bashku me bashkëshorten e tij Linda, ka mbërritur në Pallatin Elysee.
Nëpërmjet një postimi në rrjetet sociale, kreu i qeverisë shkruan se do të marrë pjesë në darkën zyrtare me Presidentin Emmanuel Macron.
Rama ndodhet në Paris, në Forumin e Paqes me ftesë të Presidentit Emmanuel Macron. Ai ka marrë pjesë në panelin “Universalizëm kur mundesh dhe multilaterizëm kur duhet”.
Kreu i qeverisë shprehu edhe një herë pakënaqësitë që Bashkimi Evropian e la vetëm Ballkanin perëndimor gjatë pandemisë.
Rama u ndal edhe tek raportet mes Kosovës dhe Serbisë duke u shprehur se rajoni ka nevojë për paqe dhe zgjidhje të problemeve të së shkuarës. Më tej, kryeministri vlerësoi rolin e Francës dhe përfshirjen e saj në zgjidhjen e problemeve në Ballkanin Perëndimor.
