Mbështetësit e Joe Biden kanë nisur festimet në disa nga shtetet kryesore të vendit, pas deklarimit të fiores së tij në zgjedhjet presidenciale.
Edhe në situatë pandemie, në sheshin “Black Lives Matter” në Uashington janë me qindra mbështetës të cilët me flamuj dhe pankarta këndojnë në kor.
Kujtojmë se ky shesh mori këtë emër në Qershor pas protestave kundër racizmit që shoqëruan vrasjen e afro-amerikanit George Floyd nga policia.
Edhe në Nju Jork, festimet kanë shoqëruar fitoren e Joe Biden. Por Donald Trump ka njoftuar se ditën e hënë fushata e tij do t’i drejtohet gjykatës, çka lë të kuptojë se beteja zyrtare për Shtëpinë e Bardhë do të zgjasë. /Opinion.al
