Edhe pse koronavirusi ka shkaktuar dy viktima në Shqipëri dhe mijëra viktima në të gjithë botën, banorët e Korçës ende nuk janë ndërgjegjësuar që të zbatojnë masat e vendosura nga qeveria për të parandaluar përhapjen e virusit.
Banorët e këtij qyteti mezi presin orën 16:00 për të dalë nga banesat e tyre dhe për të vijuar xhiron sikur të jemi në një situatë normale dhe kërcënimi nga virusi ka marrë fund.
Kodrat e qytetit dhe parku janë vendet e preferuara të korçarëve për 2 orët e lejuara pasdite. Duket qartë neglizhenca e qytetarëve që nuk përdorin as doreza e as maska mbrojtëse.
Policia vijon monitorimet në këto zona kryesisht për automjetet që janë pa autorizim ndërkohë që duhet të zbatojnë detyrimet dhe për këta qytetarë./ Opinion.al
