Panucci pati një debat me gazetarin e “Supersport”, Gjergji Stefa, madje “shpërtheu” duke i kërkuar reporterit të qepte gojën kur trajneri ishte duke folur. Perplasja ndodhi gjate konferences per shtyp, nje dite para se Kombëtarja shqiptare të luajë në “Elbasan Arena” një miqësore me Uellsin. Kujtojme se ndeshja e fundit, ajo me Skocine ishte nje deshtim i vertete, pasi u mundem 4 me 0.
Gazetari: Në një vit e gjysmë keni ndryshuar shumë, lojtarë e skema. Të gjithë thonë e kemi fajin ne. Në përqindje si mendoni, kush janë fajtorët kryesorë. Nëse do ishit në vend të Dukës, do t’i jepnit besim Panuccit për të vazhduar punën?
Panucci: Përqindjet i bëni ju, si gazetarë. Për Dukën, nuk di ç’të them. Nëse Duka ka besim më mban, nëse jo më çon në shtëpi. Kur thoni Kosova apo Ukraina, nuk të intereson nëse mungojnë 14.
Gazetari: Nuk është kështu. Ta bëra unë pyetjen. Kombëtarja është gjithmonë Kombëtare. Edhe kur luan ndeshje miqësore edhe kur mungojnë 7 lojtarë apo 18.
Panucci: Pa 14 lojtarë Shqipëria nuk është konkurruese.
Gazetari: Nuk më intereson.
Panucci: Më shiko në sy kur flas. Tregohu profesionist dhe serioz, mos shiko telefonin.
Gazetari: Të shikoj kur flas me ty.
Panucci: Po përkthen zotëria. I paedukatë!
Gazetari: Gjithashtu…
Panucci: Unë jam i edukuar!
Gazetari: Edhe unë…
Panucci: Po më bën të qesh…
Ndërhyn gazetarja Ilda Bejleri: Çfarë do të ndryshojmë që nesër?
Panucci: Pyesni “profesorin” atje (drejtuar gazetarit) që mendon se ne jemi Brazili. Qepe gojën, po flas unë.
