Një furgon u pëplas me dhjetëra njerëz në qendër të qytetit të Barcelonës, duke shkaktuar tragjedi me 13 të vdekur e shumë persona të plagosur.
Sipas mediave të huaja, autoritetet e kanë konsideruar incidentin si sulm terrorist dhe janë në kërkim të shoferit të automjetit që u arratis menjëherë. Policia konfirmon se nga sulmi ka të vdekur dhe të plagosur, por pa dhënë shifra.
Sipas gazetës spanjolle ‘El Pais’ autorët janë fshehur në një bar në Tallers Street, por nuk dihet nëse flitet për të njëjtën ngjarje. Raportet kanë deklaruar që dy burra të armatosur kanë hyrë në restorantin turk ‘Luna de Istanbul’ ku po mbajnë peng shumë njerëz.
Shërbimet e urgjencës kanë bërë thirrje që njerëzit të qëndrojnë larg zonës. Sulmi ndodhi në ‘La Rambla’, një rrugë e njohur e cila vizitohet nga turistët. Një nga dëshmitarët ka shkruajtur në rrjetin social Twitter se shumë kalimtarë janë futur për tu strehuar në një restorant, ndërsa policia ka rrethuar zonën.
“Nuk ishte zhurmë me zë të lartë dhe të gjithë vrapuan për tu fshehur diku. Kishte shumë njerëz, shumë familje se është një nga zonat më të vizituara në Barcelonë. Unë mendoj se disa njerëz janë goditur. Ishte e tmerrshme, u përhap shumë panik,” – tha Marc Esparcia për BBC duke shtuar se po qëndron i fshehur në dyqanin Starbucks.
Po ashtu mësohet se nuk ka shtetas shqiptarë të dëmtuar nga ky sulm.
Estampida ahora mismo en El Corte Inglés de Plaza Catalunya en Barcelona pic.twitter.com/72LLRmJjRk
— Jordi Perez Colome (@jordipc) August 17, 2017
