Pamje të rënda! Momenti kur krahu i një peshëngritësi armen kthehet mbrapsht, teksa ai përpiqej për të ngritur 429lbs, duke e lënë pedanën nën rënkimet ulëritëse, në agoni të plotë. Andranik Karapetyan u rrëzua në Lojërat Olimpike, me bërrylin e tij të majtë të dalë tërësisht nga vendi, gjatë një përpjekje të dytë për të ngritur 195kg (429lbs).
Sekonda më parë, ai kishte shfaqur siguri për një medalje, e cila do të kishte qenë e para për Armeninë në këto Lojëra Olimpike, por ëndrrat e tij u shpartalluan mizorisht, në rrethanat më shkatërruese për krahun e tij të majtë. Në fillim, sugjerimet ishin se armeni kishte pësuar një ndrydhje të bërrylit, por Karapetyan u pa më vonë të transportohej me një ambulance, i shtrirë në barrelë. Bashkëlojtarët olimpikë armenë dhe stafi i stërvitjes dukeshin shumë të tronditur nga incidenti.
20-vjeçari ishte një nga të preferuarit për 77 kg (169lbs) dhe u ngjit në pedanë me besimin që i ka hije një kampioni europian, por deshi të ngrejë një peshë të madhe mbi supet e tij të gjera. Por, kur u përpoq me hov të pastër, e tradhëtoi krahu i majtë, çka erdhi nga një veprim i paqartë. Nga pesha e madhe u rrëzua në tapet, ndërsa zyrtarët mjekësor nxituan për të marrë pjesë në dhimbjet e fatkeqit të ri.
