Pamjet e mëposhtme vijnë nga selia e Partisë Demokratike dhe konkretisht nga zyra e ish-kryetarit të PD, Lulzim Basha.
Sikurse duket në videon e siguruar nga Opinion.al, zyra e liderit demokrat është e gjitha bosh. Me sa duket me dorëheqjen si kryetar i Partisë Demokratike, Basha zbrazi tërësisht zyrën e tij.
Lulzim Basha dha dorëheqjen si kryetar i PD-së, pas humbjes në zgjedhjet e pjesshme lokale të 6 Marsit. Në këto zgjedhje PD zyrtare jo vetëm që nuk fitoi asnjëra nga 6 bashkitë, por u rendit edhe forcë e tretë.
Ndërkohë në selinë e PD janë hequr edhe dyert e blinduara. Pasi Komisioni i Rithemelimit hyri në selinë e Partisë Demokratike, nisi çmontimi i dyerve të blinduara që u vendosën pak ditë para protestës së 8 Janarit.
Kujtojmë se me vendimin e gjykatës të dhënë ditën e premte Komisioni i Rithemelimit udhëheq zyrtarisht dhe ligjërisht Partinë Demokratike./Opinion.al
