Southampton dhe Preston do duhet të luanin sot në 20:45 për raundin e 36-të të Championship në Angli, por një zjarr masiv në një fabrikë pranë stadiumit “Shën Maria” ka bërë që dueli të shtyhet.
Një nga stadiumet ikonike rrezikoi të përfshihej nga flakët që u panë shumë pranë impiantit. Zjarrfikësit dhe forcat vullnetare u dërguan në vendngjarje për të lokalizuar vatrën e zjarrit.
Në një deklaratë të klubit thuhet:
“Klubi i Futbollit Southampton me keqardhje njofton se ndeshja e kampionatit Sky Bet sonte kundër Preston North End është shtyrë.
Vendimi u mor pas konsultimit me autoritetet lokale dhe shërbimet e urgjencës pasi një zjarr i madh shpërtheu në një ndërtesë pranë stadiumit të St Mary sot. Incidenti ka shkaktuar përçarje të konsiderueshme në zonë me mbylljen e rrugëve përreth stadiumit, ndërsa ekipet e zjarrfikësve vazhdojnë të merren me situatën.
Ndeshja do të shtyhet për një datë të re, e cila do të shpallet në kohën e duhur dhe të gjitha biletat për ndeshjen e sotme do të jenë të vlefshme për ndeshjen e riorganizuar”./Opinion.al
#BREAKING: A massive fire has broke out next to St Mary’s stadium ahead of Southampton’s game against Preston tonight… pic.twitter.com/4vDMuILg8i
— SportsOnX Updates (@Sports_on_X) March 6, 2024
