Kronikë

Video/Pa pranga në duar dhe pa policë, Lefter Koka hyn në Drejtorinë e Policisë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:38 - 14/12/21 |
Opi Nion

Pak minuta më parë ish-ministri i Mjedisit, Lefter Koka është paraqitur në Drejtorinë e Policisë së Tiranës.

Ashtu siç shihet edhe në pamjet e mëposhtme Koka nuk është prangosur dhe nuk është i shoqëruar nga uniforma blu të policisë.

Ditën e sotme u informua se arrestimi i tij ishte urdhëruar nga SPAK dhe ai akuzohet për “Shpërdorim detyre”, “Korrupsion” dhe “Pastrim parash”.

Edhe më herët u tha se ish-ministri ishte arrestuar në banesën e tij në Durrës, ndërsa pritej ardhja e tij në Tiranë për t’u marrë në pyetje lidhur me akuzat që rëndojnë mbi të.

Ish-ministri i Mjedisit, Lefter Koka u arrestua për llogari të Prokurorisë së Posaçme, për çështjen e inceneratorëve me urdhër-arresti të firmosur nga prokurorët Dritan Premci dhe Vladimir Mara.

Por si nisën akuzat ndaj Lefter Kokës? Ka qenë Partia Demokratike që dorëzoi në SPAK kallëzimin penal për inceneratorët ku mes funksionarëve të lartë të denoncuar ka qenë dhe emri i Lefter Kokës.

Gjithashtu edhe kryetarja e LSI, Monika Kryemadhi depozitoi kallëzim penal në SPAK për ish-drejtuesit e Ministrisë së Mjedisit në lidhje inceneratorin e Fierit./Opinion.al

Pas