Anëtarja e kryesisë së Partisë Demokratike, Ori Nebiaj ka treguar se si e përjetoi ajo 8 janarin. Përmes një rrëfimi të bërë publik në rrjetet sociale, Nebiaj shprehet se 8 janari ishte një ditë fatkeqe për demokratët.
Ndër të tjera ajo shprehet se asnjë demokrat, asnjë shqiptar e veçanërisht asnjë i ri, nuk e pranon dhunën.
“Unë jam Ori Nebiaj, anëtare e kryesisë së Partisë Demokratike dhe një demokrate që si shumëkush tjetër e vuajti shumë atë që ndodhi me 8 janar. Një ditë fatkeqe për të gjithë demokratët që duhet t’i bëjë të reflektojnë thellë se gjuha e urrejtjes që mbillet vazhdimisht nga individë të cilët luftojnë për interesat e tyre, janë gati të sakrifikojnë jetët e demokratëve pa as edhe një lloj skrupulli. Asnjë demokrat, asnjë shqiptar, asnjë i ri nuk mund të pranojë dhunën, asnjë formë të dhunës. Urrejtja mbjell dhunë, dhuna nuk na çon askund”,-tha Nebiaj.
