Kërcënimi ndaj Prokurorit të Përgjithshëm, Adriatik Llalla, është bërë lajm ditët e fundit, por ndërkohë ngjarja në fjalë ka ndodhur rreth 4 muaj më parë. Bëhet fjalë për një kërcënim nëpërmjet telefonit, i cili po hetohet prej qershorit nga Prokuroria e Krimeve të Rënda.
Emisioni ‘Opinion’ në TV Klan ka si temë të mbrëmjes pikërisht këtë temë. Në lidhje me këtë temë, i ftuar në ‘Opinion’, gazetari i ABC News Flamur Vezaj tha se nga fundi i muajit maji deri në fillim të qershorit, i ka ardhur një mesazh kërcënues Kryeprokurorit Adriatik Llalla.
Sipas Vezajt, mesazhi ka qenë i drejtpëdrejtë, duke i kërkuar Kryeprokurorit të ndërpriste hetimet ndaj këtij grupi dhe të mos e kthente këtë çështje në personale.
Veç kësaj, mesazhi kërcënuesi i ka përmendur familjen dhe fëmijët kryeprokurorit Llalla. Për këtë arsye, pas këtij mesazhi, Llalla ka njoftuar presidentin, kreun e SHISH-it, komandantin e Gardës dhe drejtorin e Përgjithshëm të Policisë së shtetit.
Fevziu: Ju keni informacion, z.Vezaj se kush mund të jetë kërcënuesi i Kryeprokurorit?
Vezaj u shpreh se vetë Kryeprokurori nuk ka qenë i interesuar për përhapjen e këtij lajmi, dhe si rrjedhojë e kësaj, grupet kërcënuese ende nuk janë identifikuar të paktën deri tani, edhe pse policia ka të dhëna dyshuese se cila bandë mund të jetë.
Shiko videon:
