I ftuar në studion e emisionit “Opinion”, gazetari Flamur Vezaj ka folur mbi arrestimin e katër personave shqiptarë, mes tyre edhe një mjek, nën akuzën e terrorizmit, duke deklaruar se arrestimi erdhi pas frikës se ata do të realizonin një atentat në ceremoninë e lumturimit të 38 martirëve në Shkodër.
Sipas Vezajt, çështja është iniciuar nga shërbimi sekret dhe partnerët ndërkombëtarë që i përgjonin prej kohësh këta persona, besimtarë myslimanë.
Një ditë para ceremonisë së lumturimit të martirëve në Shkodër-tha Vezaj-është mbledhur grupi i sigurimit të Shqipërisë që ka vendosur për arrestimin e tyre pasi në bisedat telefonike ishin dëgjuar teksa jepnin mendime kriminale. Bashkë me katër shqiptarët u arrestuan edhe 5 shtetas kosovarë si dhe janë shoqëruar 11 persona të tjerë.
FLAMUR VEZAJ:
“Dy prej besimtarëve myslimanë të arrestuar janë dënuar. Cështja është iniciuar nga shërbimi sekret dhe partnerët ndërkombëtarë si MOSADI.
Si prokuroria dhe policia janë shumë hermetike në rastin konkret,. Një grup personash përgjohej prej kohësh. Ka biseda pafund në telefon qoftë duke dhënë edhe mendime kriminale. Por veprime konkrete, per ambientin, ku do vendoset eksplozivi, nuk ka.
Të premten pasdite është mbledhur grupi i sigurimit të Shqipërisë dhe është vendosur që do të ndërhyhet për arrestimin e tyre pasi ekzistonte frikë për ndonjë atentat gjatë ceremonisë së lumturimit të 38 martirëve në Shkodër. Janë arrestuar një natë më parë. Dy në dibër, dy në shkodër dhe pesë shtetas shqiptarë të Kosovës.
Janë shoqëruar edhe 11 persona të tjerë shtetas shqiptarë që janë mbajtur dhe më pas shoqëruar.
Nga informacionet dyshohet se Lavdrim Muhaxheri ka komunikime të vazhdueshme me shtetas të ndryshëm në Kosovë”.
